ພາບຖ່າຍທາງອາກາດ ທີ່ມີຄວາມຖືກຕ້ອງ ແລະ ຊັດເຈນ ໄດ້ຄອບຄຸມພື້ນທີ່ພາກກາງ ແລະ ທົ່ວພາກໃຕ້ຂອງປະເທດລາວ

ລັດຖະບານແຫ່ງ ສາທລະນະລັດແຟັງລັງ ໄດ້ໃຫ້ການສະໜັບສະໜູນທາງດ້ານທຶນຮອນ ໃຫ້ແກ່ການຈັດຕັ້ງປະຕິບັດ ໂຄງ ການສົ່ງເສີມຄວາມເຂັ້ມແຂງໃນການບໍລິການ ຂໍ້ມູນແຜນທີ່ ຢູ່ ສປປ ລາວ (SNGS) ເຊິ່ງໄດ້ເຄື່ອນໄຫວ ຖ່າຍພາບທາງ ອາກາດ (orthophto mosaic) ລະບົບຕົວເລກ ທີ່ມີຄວາມຊັດເຈນ ແລະກວມເອົາພື້ນທີ່ 71,000 ກິໂລຕາ ແມັດ ( ຫຼື ປະມານ 1/3 ຂອງປະເທດລາວ ), ເລີ່ມຈາກ ບໍລິເວນຊາຍແດນຕິດກັບ ປະເທດກໍາປູເຈຍ ໃນພາກໃຕ້ ຂື້ນໄປ ທາງເໜືອ ເຊິ່ງກວມເອົາເຄິ່ງໜຶ່ງຂອງ ແຂວງຄໍາມ່ວນ. ການເຄື່ອນໄຫວຖ່າຍພາບທາງອາກາດ ໄດ້ເລີ່ມຕົ້ນແຕ່ເດືອນ ທັນວາ 2010 ຫາເດືອນ ກຸມພາ 2011. ພາຍຖ່າຍທາງອາກາດ (orthophto mosaic) ໄດ້ຖືກກະກຽມ ແລະ ສ້າງຂື້ນໂດຍ ກົມ ແຜນທີ່ແຫ່ງຊາດ, ກະຊວງພາຍໃນ ໂດຍໄດ້ຮັບການສະໜັບສະໜູນທາງດ້ານວິຊາການຈາກທິມຊ່ຽວຊານ ຂອງປະເທດ ແຟັງລັງ.

ໄຟລ໌ພາບຖ່າຍແຜນທີ່ລະບົບຕົວເລກ (digital photo map ) ແລະແຜນທີ່ ທີ່ພິມອອກເປັນໃບ ແມ່ນໄດ້ແບ່ງຕາມ ດັດຊະນີແຜ່ນແຜນທີ່ເລກໝາຍແຫ່ງຊາດ (national map sheet index) ເຊັ່ນ ແຜ່ນແຜນທີ່ມາດຕາສ່ວນ 1:5000. ຂະໜາດພິກເຊວຂອງພາບຖ່າຍທາງອາກາດ (orthophotos) ແມ່ນ 50 ຊັງຕີແມັດ. ຄວາມຊັດເຈນທາງພື້ນທີ່ ຂອງ ພິກ ເຊວ ແມ່ນປະມານ 1-2 ແມັດ ເທີງພື້ນທີ່ຮາບພຽງ. ໄຟລ໌ຂອງພາບຖ່າຍ ຖືກເກັບຮັກສາໄວ້ໃນໂປຼແກຼມ ຖານຂໍ້ມູນຂ່າວ ສານພູມສາດ WGS84 ແລະລະບົບພິກັດ Lao97. ນອກນີ້ ຍັງສາມາດ ສະໜອງພາບຖ່າຍພື້ນທີ່ ດ້ວຍລະບົບສີ ອິນຟາເຣດ (CIR) ໄດ້ ຕາມການສະເໜີ ຂອງຜູ້ຊົມໃຊ້ ເຊິ່ງຄອບຄຸມຂອບເຂດພື້ນທີ່ດຽວກັນ. ພາບຖ່າຍພື້ນທີ່ ລະບົບສີ ອິນຟາເຣດ (CIR) ນີ້ ສາມາດນໍາໃຊ້ເພື່ອປະເມີນສະພາບຂອງ ພືດພັນ, ພື້ນທີ່ກະສິກໍາ, ປ່າໄມ້ ແລະອື່ນໆ. ແບບຈໍາລອງ ພື້ນຜິວລະບົບຕົວເລກ ແບບສາມມິຕິ (DSM) ທີ່ກວມພື້ນທີ່ ທີ່ມີການຖ່າຍພາບທາງອາກາດ ກໍ່ຖືກຜະລິດຂື້ນ ຢ່າງອັດ ຕະໂນມັດ ເຊັ່ນດຽວກັນ. ກົມແຜນທີ່ແຫ່ງຊາດ ໄດ້ນໍາໃຊ້ ແບບຈໍາລອງພື້ນຜິວລະບົບຕົວເລກ ແບບສາມມິຕິ (DSM) ນີ້ ເພື່ອສ້າງຂໍ້ມູນກ່ຽວກັບຄວາມສູງ ໃນແຜນທີ່. ແບບຈໍາລອງພື້ນຜິວລະບົບຕົວເລກ ແບບສາມມິຕິ (DSM) ນີ້ ຍັງສາມາດ ຖືກນໍາໃຊ້ ເປັນຜະລິດຕະພັນແຍກສະເພາະ ໃນວຽກງານທີ່ກ່ຽວພັນກັບການປົກຄຸມຂອງພື້ນທີ່ດິນ ແລະໂຄງການຕ່າງໆ. ສໍາລັບລູກຄ້າ ຫຼືຜູ້ຊົມໃຊ້ ທີ່ຍິນດີທີ່ຈະຈ່າຍຄ່າຜະລິດຕະພັນ, ກົມແຜນທີ່ແຫ່ງຊາດ ແລະສູນສໍາຫຼວດວັດແທກ ແລະ ແຜນທີ່ ສາມາດສ້າງຮູບແບບຈໍາລອງ ລະບົບສາມມິຕິ (3D models) ທີ່ມີຄວາມຊັດເຈນ ຈາກຂໍ້ມູນການປະຕິບັດງານ ດ້ວຍການນໍາໃຊ້ ເຄື່ອງມືການວັດແທກພາບຖ່າຍ ໂດຍອີງຕາມຄວາມຕ້ອງການຜູ້ຊົມໃຊ້.

ປັດຈຸບັນ ກົມແຜນທີ່ແຫ່ງຊາດ ທີ່ນະຄອນຫຼວງວຽງຈັນ ມີໄຟລ໌ແຜນທີ່ພາບຖ່າຍລະບົບຕົວເລກ, ຂໍ້ມູນແບບຈໍາລອງພື້ນ ຜິວລະບົບຕົວເລກແບບສາມມິຕິ (DSM data), ໃບແຜນທີ່ພາບຖ່າຍທີ່ພິມອອກ ແລະ ໄຟລ໌ພາບຖ່າຍດິບ (RAW photos) ແລະພ້ອມ ທີ່ຈະຕອບສະໜອງໃຫ້ ໜ່ວຍງານພາກລັດ, ບໍລິສັັດເອກະຊົນ ແລະໂຄງການຕ່າງໆ ທີ່ມີຄວາມ ຕ້ອງການນໍາໃຊ້. ທ່ານທີ່ສົນໃຈ ສາມາດເຂົ້າເບີ່ງ ຕົວຢ່າງຂອງພາບຖ່າຍທາງອາກາດ (orthophto mosaic) ໄດ້ທີ່ ເວັບ ໄຊທ໌ ຂອງກົມແຜນທີ່ແຫ່ງຊາດ : www.ngdlaos.la. ລາຄາຂອງໄຟລ໌ພາບຖ່າຍລະບົບຕົວເລກ ແມ່ນ 6,000 ກີບ ຕໍ່ 1 ກິໂລຕາແມັດ. ສໍາລັບອົງການຈັດຕັ້ງ ແລະໜ່ວຍງານພາກລັດ ຈະໄດ້ຮັບສ່ວນລົດ 20 % ຈາກລາຄາ ທີ່ລະບຸໃນລາຍ ການໃບສະແດງລາຄາ.

ປັດຈຸບັນ, ກົມແຜນທີ່ແຫ່ງຊາດ ກໍາລັງຢູ່ໃນຂັ້ນຕອນ ການຜະລິດແຜນທີ່ ຂອງເຂດພາກໃຕ້ຂອງປະເທດລາວ ໃນມາດຕາ ສ່ວນ 1:50 000. ແຜ່ນເລກໝາຍແຜນທີ່ (map sheets) ທັງໝົດ ພ້ອມແລ້ວ ສໍາລັບການພິມອອກ ເພື່ອທີ່ຈະຖືກ ນໍາໄປດໍາເນີນການສໍາຫຼວດຢັ້ງຢືນຂໍ້ມູນພາກພື້ນທີ່ ທົ່ວເຂດພາກໃຕ້ຂອງປະເທດລາວ, ແລະແຜນທີ່ເຂດພາກໃຕ້ຂອງປະ ເທດລາວ ( ຈໍານວນທັງໝົດ 150 ແຜ່ນເລກໝາຍ ) ຈະສໍາເລັດພາຍໃນປີ 2014.

ກົມແຜນທີ່ແຫ່ງຊາດ ໄດ້ຈັດການອົບຮົມສໍາມະນາຫຼາຍຄັ້ງ ໃຫ້ແກ່ໜ່ວຍງານທາງພາກລັດ, ໂຄງການ ແລະອົງການຈັດ ຕັ້ງ ທີ່ບໍ່ສັງກັດລັດ (NGO) ກ່ຽວກັບການນໍາໃຊ້ ແລະຜະລິດຕະພັນທີ່ທາງກົມ ສາມາດຜະລິດ ແລະຕອບສະໜອງໃຫ້ ແກ່ ສັງຄົມ ແລະຜູ້ທີ່ຕ້ອງການນໍາໃຊ້ເຂົ້າໃນວຽກງານການພັດທະນາ ແລະດ້ານອື່ນໆ.

ການບໍລິການໃໝ່ກ່ຽວກັບຂໍ້ມູນຂ່າວສານພູມສາດ ຂອງກົມແຜນທີ່ແຫ່ງຊາດ ຜ່ານປະຕູສູ່ເວັບໄຊທ໌ຖານຂໍ້ມູນຂ່າວສານ ພູມສາດ (Geoportal) ກໍໄດ້ຖືກນໍາມາສາທິດໃນການອົບຮົມສໍາມະນາຕ່າງໆ ເຊັ່ນກັນ. ດ້ວຍການບໍລິການດັ່ງກ່າວນີ້, ຜູ້ ຊົມໃຊ້ ສາມາດຂະຫຍາຍຂະໜາດ ( ຊູມເຂົ້າ ) ພາບໃຫ້ໃຫຍ່ຂື້ນ ເພື່ອເບີ່ງພື້ນທີ່ໃນລະດັບບ້ານ ແລະສາມາດເບີ່ງເຫັນ ຮູບເຮືອນ ຫຼືອາຄານຕ່າງໆ ໄດ້ຢ່າງຊັດເຈນ ລວມທັງຮູບຂອງເດີ່ນບ້ານ, ຖະໜົນ, ທາງຮ່ອມ, ທົ່ງນາ, ແມ່ນກະທັ້ງ ຕົ້ນໄມ້ ແລະຝຸ່ມໄມ້. ນອກຈາກນີ້ ອົງການທີ່ເປັນຜູ້ຊົມໃຊ້ ຍັງສາມາດນໍາໃຊ້ການບໍລິການໃໝ່ນີ້ ເພື່ອນໍາໄປປະຍຸກໃຊ້ ໂດຍອີງ ຕາມເຂດພື້ນທີ່ດິນ ແລະເຂດທີ່ຕັ້ງ ຂອງພວກເຂົາເຈົ້າເອງ. ກົມແຜນທີ່ແຫ່ງຊາດ ຈະເຜີຍແຜ່ກ່ຽວກັບການບໍລິການໃໝ່ ຂອງກົມ ໃນໂອກາດຕໍ່ໄປ ອາດຈະແມ່ນ ພາຍໃນເດືອນຕຸລາ 2013 ນີ້. ການບໍລິການນີ້ ໃນເບື້ອງຕົ້ນ ຈະຄອບຄຸມພື້ນທີ່ ຂອງ ບັນດາແຂວງພາກໃຕ້ຂອງ ສປປ ລາວ, ແລະຈະຂະຫຍາຍການຄອບຄຸມໄປສູ່ພາກເໜືອຂອງປະເທດ ໃນເວລາທີ່ ທາງກົມ ມີຄວາມພ້ອມທາງດ້ານ ຂໍ້ມູນພາບຖ່າຍທາງອາກາດ ແລະຂໍ້ມູນແຜນທີ່ ຂອງເຂດພາກເໜືອ.

ກົມແຜນທີ່ແຫ່ງຊາດ ໂດຍການຮ່ວມມື ແລະສະໜັບສະໜູນຈາກ ໂຄງການສົ່ງເສີມຄວາມເຂັ້ມແຂງ ໃນການບໍລິການ ຂໍ້ ມູນແຜນທີ່ ຢູ່ ສປປ ລາວ (SNGS) ທີ່ໄດ້ຮັບການສະໜັບສູນທາງດ້ານທຶນຮອນ ຈາກລັດຖະບານແຟັງລັງ ໄດ້ສືບຕໍ່ກະ ກຽມແລະພັດທະນາຂໍ້ມູນດ້ານພູມສາດຂອງ ສປປ ລາວ ທີ່ມີຄວາມຊັດເຈນ. ການເຄື່ອນໄຫວ ຖ່າຍພາບທາງອາກາດ ຊຸດ ທີສອງ ເຊິ່ງຈະກວມພື້ນທີ່ 1/3 ທີ່ຍັງເຫຼືອຂອງປະເທດ ໄດ້ສໍາເລັດ ໃນລະຫ່ວາງເດືອນທັນວາ 2012 ຫາ ເດືອນມີນາ 2013 ເຊິ່ງເປັນ ພາບຖ່າຍທາງອາກາດ ທີ່ກວມເຂດພື້ນທີ່ຂະໜາດ 92 000 ກິໂລຕາແມັດ ເຊິ່ງກວມເອົາ ເຂດທີ່ຍັງເຫຼືອ ຂອງແຂວງຄໍາມ່ວນ ຕໍ່ໄປທາງພາກເໜືອ ຈົນກວມເອົາເຄີ່ງໜຶ່ງຂອງພື້ນທີ່ແຂວງຫຼວງພຣະບາງ. ຜະລິດຕະພັນ ພາບຖ່າຍ ທາງອາກາດ ທີ່ມີຄວາມຊັດເຈນ ຂອງພື້ນທີ່ຂະຫຍາຍໃໝ່ ພ້ອມຂະໜາດພິກເຊວພື້ນທີ່ດິນ 50 ຊັງຕີແມັດ ອາດຈະພ້ອມ ສໍາລັບ ການສະໜອງໃຫ້ສັງຄົມ ໃນທ້າຍປີ 2013 ນີ້. ແລະຜະລິດຕະພັນແຜນທີ່ ມາດຕາສ່ວນ 1:50 000 ຂອງເຂດ ພື້ນທີ່ນີ້ ກໍຈະຖືກສືບຕໍ່ຜະລິດ ພາຍຫຼັງທີ່ທາງກົມແຜນທີ່ແຫ່ງຊາດ ສໍາເລັດການຜະລິດ ແຜນທີ່ຂອງພື້ນທີ່ ເຂດພາກໃຕ້ ຂອງປະເທດ.

ປະຈຸບັນ ລັດຖະບານແຫ່ງ ສປປ ລາວ ກໍາລັງຢູ່ໃນຂັ້ນຕອນ ປຶກສາຫາລືນໍາບັນດາຜູ້ໃຫ້ທຶນ ກ່ຽວກັບການສະໜັບສະໜູນ ທາງດ້ານທຶນຮອນ ເພື່ອການເຄື່ອນໄຫວຖ່າຍພາບທາງອາກາດ ສໍາລັບເຂດພື້ນທີ່ ທີ່ຍັງເຫຼືອຂອງປະເທດ ເຊິ່ງຄາດວ່າ ຈະ ເລີ່ມ ໃນປີ 2014 ນີ້.